Vesen að komast inn á spjallið

[Svenni30]

Er að lenda í því að það er vesen að komast inn á spjallið, en tekst alltaf eftir nokkrar tilraunir. Er eitthvað að ?

[Svenni30]

Eða er þetta bara nettengingin hjá mér kannski ?

[Járni]

Sæll!

Nei, þetta er ekki bara þú. Ég hef einnig orðið var við þetta og tel vandann liggja hjá hýsingaraðilanum.
Við höfum samband við hann í fyrramálið og reynum að fá skýringar.

[svarti sambo]

Ég er líka búinn að vera að lenda í þessu. Og var í tómu brasi með að setja inn myndir í fyrradag. Hélt að þetta væri einhver vírus í tölvunni hjá mér, til að byrja með. Var nefnilega að lenda í þessu sama á annari síðu. En annars virtist netið í lagi að öðru leiti. Kannski þetta sé sami hýsillin á báðum síðunum.

[Járni]

Við höfðum samband við þá sem hýsa fyrir okkur og fengum að vita að þeir urðu fyrir netárás sem olli truflunum. Þeir ætla að skoða betur hvort það sé eitthvað fleira sem veldur, annars ætti þetta að vera til friðs. Amk þar til internet ISIS fer aftur á kreik.

[kaos]

Sælir,

Þessi póstur ætti reyndar betur heima í nýjum þræði, og biðst ég afsökunar á að troða honum hér inn. Málið er hinsvegar að "fullbúni ritillinn" sem líka er notaður fyrir nýja pósta er ekki að virka hjá mér. Eru einhverjir fleiri að lenda í þessu? Get farið inn og slegið inn texta, en þegar ég ætla að annaðhvort staðfesta eða forskoða poppar upp síða með villukóða 403 - Forbidden. Ég get hins vegar notað "flýtisvars" innsláttarreitinn, og þess vegna endaði þessi póstur hér.

Windows 7, Firefox 43.0.4. Er með noscript, en það segist aðeins vera að blokkera google-analytics.com

--
Kveðja, Kári.

[Járni]

Sæll Kári,

Er þetta stöðugt? Ertu búinn að prófa annan vafra?

[kaos]

Hefur verið stöðugt í a.m.k. tvo daga.

Prófaði í morgun með Google Chrome, með sömu niðurstöðu. Og þegar ég ætlaði að svar var bæði flýtisvar og einkaskilaboð líka hætt að virka :-/ Sjáum hvernig gengur núna.

--
Kveðja, Kári.

[kaos]

Flýtisvar er allaveganna farið að virka aftur, prófum fullbúinn ritil.

[kaos]

Jú, allt í himnalagi núna :-)

[Járni]

Magnað, stóðstu etv á netsnúrunni ?

[kaos]

Nei, veit ekki til þess að ég hafi gert neitt til að stífla slöngurnar :-)
:
:
:
Ooog, Adam var ekki lengi í paradís. Fullbúni ritillinn er aftur farinn í verkfall. Prófum flýtisvarið.
--
Kveðja, Kári.

[Járni]

Eru fleiri að lenda í þessu?

[Startarinn]

Ég hef átt við annað vandamál að stríða, þegar ég er staddur í vinnunni á ég í mestu vandræðum með að komast inná jeppaspjallið, hvort sem það er í minni eigin tölvu eða vélarúmstölvunni, þetta er 4G tenging í Noregi, en lét líka svona þegar við vorum með tengingu gegnum CDMA kerfi.

Það ber svo ekkert á þessu um leið og ég er kominn heim, mig minnir að villan sem ég fæ úti í Noregi sé bara timeout, þetta gerist ekki alltaf en æði oft

[Járni]

Ástmar, allar aðrar síður í lagi? Líka íslenskar?

[jongud]

Ekkert vandamál hjá mér, er að nota Firefox á tölvunni og Crome á spjaldinu. Báðir ritlar í lagi á báðum stöðum.

[Startarinn]

Ástmar, allar aðrar síður í lagi? Líka íslenskar?

Allar aðrar voru í lagi, ég fer svosem ekki inná margar íslenskar nema fréttamiðlanna, en það hefur allt verið í lagi